முதல் செட்டில் தன் சர்வ்களை அபாரமாகத் துவங்கிய செரீனா வில்லியம்ஸ் ஹெனினின் ஒரு சர்வை பிரேக் செய்தார். அவ்வாறு பிரேக்ச் செய்ய ஹெனின் செய்த தவறுகளும் ஒரு காரணம். அதன் பிறகு தன் அபார சர்வ்களை வீசி தன் சர்வ் கேம்களை வென்ற செரீனா வில்லியம்ஸ் முதல் செட்டை 6-4 என்று கைப்பற்றினார்.

இரண்டாவது செட்டை ஆக்ரோஷமாகத் துவங்கிய ஹெனின் தன் சர்வை வெற்றி பெற செரீனா 0-30 என்று பின் தங்கி தன் சர்வை வெற்றி பெற்று ஆட்டம் 1-1 என்று இருந்தது.

அடுத்ததாக ஹெனின் வீசிய சர்வ்களை முறியடித்த செரீனா, ஹெனினின் சர்வை பிரேக் செய்து 2-1 என்று முன்னிலை பெற்றார். ஆனால் இது நீண்ட நேரம் நீடிக்கவில்லை. ஹெனின் மீண்டும் அபாரமான சில ஷாட்களையும் சர்வ்களையும் அடித்து பிரேக் செய்து 2-2 என்று சமன் செய்தார். அதில் குறிப்பாக செரீனாவின் முதல் மின்னல்வேக சர்வை திருப்பி கிராஸ் கோட் ஷாட் அடித்தது அசத்தல் ஷாட்டாகும்.

பிறகு அந்த செட்டில் செரீனா தன் சர்வ்களில் மேலும் தவறுகளையும் கிரவுண்ட் ஷாட்டில் சில அறியாமல் செய்த தவறுகளையும் இழைக்க ஹெனின் 6-3 என்று கைப்பற்றினார்.

3-வது செட் செரீனாவின் செட் என்றால் மிகையாகாது. இந்த செட்டில் அபாரமான சர்வ்களோடு, நெட் அணுகல், மற்றும் சக்தி வாய்ந்த கிரவுண்ட் ஷாட்கள் மூலம் 3 முறை ஹெனின் சர்வை பிரேக் செய்த செரீனா 6-2 என்று வெற்றி பெற்று தனது 11-வது கிராண்ட் ஸ்லாம் பட்டத்தை வென்று உலக சாதனையை சமன் செய்துள்ளார்.