வங்காளதேச கிரிக்கெட் அணி நியூசிலாந்தில் சுற்றுப்பயணம் செய்து விளையாடி வருகிறது. இரு அணிகள் இடையேயான ஒரே ஒரு 20 ஓவர் போட்டி ஹேமில்டனில் நடந்தது.

முதலில் விளையாடிய வங்காளதேசம் 17.3 ஓவரில் 78 ரன்னில் சுருண்டது. ரகிபுல்ஹசன் அதிகபட்சமாக 18 ரன் எடுத்தார். நியூசிலாந்து தரப்பில் வெட்டோரி 3 விக்கெட்டும், டபி, நாதன்மேக்குல்லம், ஜேக்கப் ஒரம் தலா 2 விக்கெட்டும் கைப்பற்றினார்கள்.

பின்னர் விளையாடிய நியூசிலாந்து 8.2 ஓவரில் விக்கெட் இழப்பின்றி 79 ரன் எடுத்து 10 விக்கெட் வித்தியாசத்தில் வெற்றி பெற்றது. மேக்குல்லம் 27 பந்தில் 7 பவுண்டரி, 2 சிக்சருடன் 56 ரன் எடுத்தார்.