புதிய புள்ளி வழங்கும் முறையின் அடிப்படையில் 25, 18, 15, 12, 10, 8, 6, 4, 2, 1 என்ற கிரமத்தில் வெற்றியாளர்களுக்கு புள்ளிகள் நிர்ணயிக்கப்படும்.

இதுவரை காலமும் முதலாம் இடத்திற்கும் இரண்டாம் இடத்திற்கும் இடையிலான புள்ளி வித்தியாசம் இரண்டாகக் காணப்பட்டதாகவும், தற்போது இந்த இடைவெளி ஏழாக உயர்த்தப்பட்டுள்ளதாகவும் தெரிவிக்கப்படுகிறது.

குறித்த இடைவெளியின் காரணமாக வீரர்கள் போட்டிகளில் வெற்றியீட்ட அதிக முனைப்பு காட்டுவார்கள் என நம்பிக்கை வெளியிடப்பட்டுள்ளது.

மோட்டார் காரில் பயன்படுத்தும் டயர்கள் தொடர்பில் புதிய சட்டங்கள் அமுல்படுத்தப்பட்டுள்ளது.

கார்பந்தயப் பேரவையினால் அறிவிக்கப்பட்டுள்ள புதிய சட்ட திட்டங்களுக்கு அனைத்து தரப்பினரும் இணக்கம் தெரிவித்துள்ளனர்.

எனினும், இந்த யோசனைத் திட்டங்கள் தொடர்பான இறுதி அறிக்கை அங்கீகாரத்திற்காக சமர்ப்பிக்கப்பட உள்ளதாகத் தெரிவிக்கப்படுகிறது.

புள்ளி வழங்கும் முறையில் மாற்றம் ஏற்படுத்தப்பட வேண்டுமென கடந்த சில காலமாக கோரிக்கை விடுக்கப்பட்ட போதிலும் அது நடைமுறைப்படுத்தப்படவில்லை என்பது குறிப்பிடத்தக்கது.

இந்த புதிய நடைமுறைகளின் மூலம் 2010ம் ஆண்டு முதல் போர்மியூலா வன் கார்பந்தயப் போட்டிகள் புதுப் பொழிவுடன் ரசிகர்களை ஈர்க்கும் என கார்பந்தாட்டப் பேரவை நம்பிக்கை வெளியிட்டுள்ளது.