துணைக் கண்ட வீரர்கள் மட்டுமே இதற்கு தண்டனை பெறுகின்றனர் என்று கூறிய இம்ரான் கான்,

"நாங்கள் விளையாடும்போது ரிவர்ஸ் ஸ்விங் என்ற ஒன்றைக் கண்டுபிடித்தோம் ஆனால் எங்களை ஏமாற்றுக்காரர்கள் என்று குற்றம்சாற்றினர். ஆனால் இதையே இங்கிலாந்து மற்றும் பிற பந்து வீச்சாளர்கல் செய்தபோது இது ஒரு கலையாக ஏற்றுக்கொள்ளப்பட்டது." என்று காட்டம் காட்டியுள்ளார் இம்ரான்.

"மற்ற அணி வீரர்களும் பல்வேறு வழிமுறைகளைப் பின்பற்றி பந்தின் தன்மையை மாற்றியுள்ளதாக பதிவு செய்யப்பட்ட சம்பவங்கள் நிறைய உள்ளன." என்றார் இம்ரான்.

ஆனால் ரமீஸ் ராஜா கூறுகையில், " இது ஒன்றும் புதிதல்ல, ஆனால் அஃப்ரீடி செய்ததை ஒரு போதும் ஏற்கமுடியாது. அஃப்ரீடி ஒன்றும் கிளப் போட்டியில் விளையாடவில்லை, அவர் சர்வதேச கிரிக்கெட் விளையாடுகிறார். அத்தனை கேமராக்கள் இருக்கும்போது இதுபோன்ற பைத்தியக்காரத் தனமான செயலை அவர் தவிர்த்திருக்கவேண்டும்."

"வெற்றி பெற வேண்டும் என்ற உந்துதல் வேறு, ஆனால் அதற்காக அவர் என்ன செய்தாரோ அது மிகவும் தர்ம சங்கடத்தில் ஆழ்த்தியுள்ளது." என்றார் ரமீஸ் ராஜா.

அவர் ஏன் இது போன்ற செயலில் ஈடுபட்டார் என்பது சாதாரண விஷயமல்ல, இது குறித்து பாகிஸ்தான் கிரிக்கெட் வாரியம் விசாரிக்கவேண்டும் என்றும் ரமீஸ் கோரிக்கை வைத்துள்ளார்.