எகிப்து தேசிய கால்பந்தாட்ட அணி தொடர்ச்சியாக மூன்று தடவைகள் ஆபிரிக்க கிண்ண சாம்பியன் பட்டத்தை சுவீகரித்துக் கொண்டுள்ளமை குறிப்பிடத்தக்கது.

மொத்தமாக ஏழு தடவைகள் எகிப்து அணி ஆபிரிக்க கிண்ண சாம்பியன் பட்டத்தை வென்றுள்ளது.

கானா அணிக்கு எதிராக அங்கோலாவில் நடைபெற்ற இறுதிப் போட்டியில் ஒன்றுக்கு பூஜ்ஜியம் என்ற கோல் கணக்கில் எகிப்து வெற்றி வாகை சூடியது.

எகிப்து அணியின் சார்பில் பதிலீட்டு ஆட்டக்காரராக இடையில் களமிறங்கிய மொஹமட் கெடோ போட்டியில் போடப்பட்ட ஒரே கோலைப் போட்டார்.

தொடர்ச்சியாக மூன்று தடவைகள் சாம்பயின் பட்டம் வென்ற முதலாவது ஆபிரிக்க நாடு என்ற பெருமையை எகிப்து அணி பெற்றுக் கொண்டுள்ளது.

ஆபிரிக்க கிண்ணத்தை வென்று இன்றைய தினம் நாடு திரும்பிய எகிப்து தேசிய கால் பந்தாட்ட வீரர்களுக்கு நாட்டின் தலைநகர் கெய்ரோவில் விசேட வரவேற்பு அளிக்கப்பட்டுள்ளது.