ஜமெய்க்காவில் இந்த மாதம் 13ம் திகதி நடைபெறவுள்ள 400 மீற்றர் ஓட்டப் போட்டியில் போல்ட் பங்கேற்பார் என தெரிவிக்கப்படுகிறது.

பருவ காலத்தை ஆரம்பிக்கும் நோக்கில் போல்ட் 400 மீற்றர் ஓட்டப் போட்டியில் பங்கேற்கத் தீர்மானித்துள்ளதாகக் குறிப்பிடப்படுகிறது.

வழமையாக பயிற்சிகளை ஆரம்பிக்கும் வகையில் போல்ட் 100, 200 மீற்றர் தவிர்ந்த நீண்ட தூர ஓட்டப் போட்டியில் போல்ட் பங்கேற்று வருகின்றமை குறிப்பிடத்தக்கது.

நியூ யோர்க்கில் நடைபெறவுள்ள டயமன்ட் மெய்வல்லுனர் போட்டியில் 100 மீற்றர் போட்டியில் கலந்து கொள்ளப் போவதாக போவதாக போல்ட் அறிவித்துள்ளார்.

2010ம் ஆண்டில் மிகச் சிறந்த திறமைகளை வெளிப்படுத்த உத்தேசித்துள்ளதாக போல்ட் குறிப்பிட்டுள்ளார்.

ஹூசெய்ன் போல்ட், 100 மீற்றர் மற்றும் 200 மீற்றர் ஓட்டப் போட்டிகளில் உலக சாதனை படைத்துள்ளார் என்பது குறிப்பிடத்தக்கது.