இங்கிலாந்து அணிக்கு எதிராக இந்த மாதம் ஐக்கிய அரபு இராச்சியத்தில் நடைபெறவுள்ள டுவன்ரி‐20 போட்டிகளில் அசீப் பங்கேற்க மாட்டார் என அறிவிக்கப்பட்டுள்ளது.

டுபாயில் நடைபெறவுள்ள இந்தப் போட்டிகளில் பங்கேற்பதற்காக குழாமில் அசீப் இணைத்துக் கொள்ளப்பட்டிருந்த போதிலும், டுபாய் அதிகாரிகள் அசீப்பிற்கு வீசா வழங்க மறுப்பு தெரிவித்துள்ளனர்.

முஹமட் அசீப்பை நாட்டிற்குள் பிரவேசிக்க அனுமதிக்க முடியாது என அந்நாட்டு அதிகாரிகள் திட்டவட்டமாக அறிவித்துள்ளனர்.

2008ம் ஆண்டு ஜூன் மாதம் டுபாய் விமான நிலையத்தில் வைத்து சிறியளவு போதைப் பொருளுடன் அசீப் கைது செய்யப்பட்டிருந்தார்.

இந்த சந்தர்ப்பத்தின் போது டுபாய் அதிகாரிகள் அசீப் நாட்டிற்குள் பிரவேசிக்கக் கூடாது என தடை விதித்திருந்தனர்.

இந்தத் தடையை தளர்த்துமாறு பாகிஸ்தான் உயரதிகாரிகள் கோரிய போதிலும், சாதகமான பதில் எதுவும் கிடைக்கவில்லை.

ஐக்கிய அரபு இராச்சியத்தில் இதற்கு முன்னர் நியூசிலாந்துக்கு எதிராக நiபெற்ற போட்டித் தொடரின் போதும் பாகிஸ்தான் அதிகாரிகள் அசீப்பை நாட்டிற்குள் பிரவேசிக்க அனுமதிக்குமாறு கோரியிருந்தனர்.

எனினும், இந்த கோரிக்கைகளை ஐக்கிய அரபு இராச்சிய அதிகாரிகள் மறுத்துள்ளனர்.