6 விக்கெட் இழப்புக்கு 558 ரன்களை எடுத்து தென்னாப்பிரிக்க அணி தனது முதல் இன்னிங்ஸை நேற்று டிக்ளேர் செய்தது. பின்னர் நேற்றைய ஆட்ட நேர இறுதியி்ல் ஆடத் தொடங்கிய இந்திய அணி விக்கெட் இழப்பின்றி 25 ரன்கள் எடுத்திருந்தது.

இன்று மீண்டும் ஆட்டத்தைத் தொடங்கிய இந்திய அணியின் நட்சத்திர வீரர் கம்பீர் 12 ரன்கள் எடுத்திருந்தபோது மார்கலின் பந்துவீச்சில் பவுச்சரிடம் பிடி கொடுத்து ஆட்டமிழந்தார். பின்னர் ஆடவந்த முரளி விஜய் 4 ரன்களுக்கு ஸ்டெயின் பந்துவீச்சில் போல்டானார். இதன் பிறகு வந்த சச்சின் தெண்டுர்கலும் 7 ரன்களுக்கு ஆட்டமிழந்தார்.

இதனால் 3 விக்கெட் இழப்புக்கு 56 ரன்கள் என்ற மோசமான நிலையில் இந்திய அணி தடுமாறியது. எனினும், மறுபுறம் சேவக் நிதானமாக ஆடி அரைச் சதம் அடித்ததால் 41-வது ஓவரில் இந்திய அணி 3 விக்கெட் இழப்புக்கு 166 ரன்களை எடுக்க முடிந்தது. பத்ரிநாத் 26 ரன்களுடனும் சேவக் 98  ரன்களுடனும் களத்தில் இருந்தனர்.