மைக்கல் ஓவன் இந்தப் பருவகாலத்தில் நடைபெறவுள்ள போட்டிகளில் பங்கேற்க மாட்டார் என அறிவிக்கப்பட்டுள்ளது.

அஸ்டன் வில்லா கழகத்திற்கு எதிராக, கார்லிங் கிண்ண இறுதிப் போட்டியில் கலந்து கொண்ட போது ஓவன் உபாதைக்கு உள்ளானார்.

தசைப் பிடிப்பு உபாதையினால் ஓவன் அவதியுறுவதாக கழக வட்டாரத் தகவல்கள் தெரிவிக்கின்றன.

இந்த உபாதை காரணமாக மைக்கல் ஓவனின் உலகக் கிண்ண கனவு நிறைவேறாது எனக் குறிப்பிடப்படுகிறது.

இம்முறை தென் ஆபிரிக்காவில் நடைபெறவுள்ள உலகக் கிண்ணப் போட்டிகளின் போது மைக்கல் ஓவன் இங்கிலாந்து அணியின் சார்பில் விளையாடுவார் என எதிர்பர்ர்க்கப்பட்டது.

எனினும், உபாதை காரணமாக சில மாதங்களுக்கு மைக்கல் ஓவன் போட்டிகளில் பங்கேற்கக் கூடிய சாத்தியம் கிடையாதென தெரிவிக்கப்படுகிறது.

எதிர்வரும் பருவகாலத்தில் சிறந்த திறமைகளை வெளிப்படுத்த தாம் உத்தேசித்துள்ளதாக ஓவன் தெரிவித்துள்ளார்.