இந்த 8 அணிகளையும் பிரபலங்கள் கோடிக்கணக்கான பணம் கொடுத்து வாங்கின. வீரர்களும் ஏலம் முறையில் எடுக்கப்பட்டனர். ரசிகர்கள் மத்தியில் இந்த போட்டி மிகவும் பிரசித்தி பெற்றது.

2008-ம் ஆண்டு நடந்த முதல் ஐ.பி.எல். போட்டியில் ராஜஸ்தான் ராயல்ஸ் சாம்பியன் பட்டம் பெற்றது. 2-வது ஐ.பி.எல். போட்டியில் டெக்கான் சார்ஜஸ் வெற்றி பெற்றது.

3-வது ஐ.பி.எல். போட்டி வருகிற 12-ந்தேதி தொடங்கி ஏப்ரல் 25-ந் தேதி வரை நடக்கிறது.

2011-ம் ஆண்டு ஐ.பி.எல். போட்டியில் மேலும் 2 அணிகள் பங்கேற்கிறது. அகமதாபாத், நாக்பூர் ஆகிய நகரங்களை அடிப்படையாக கொண்டு இந்த புதிய அணிகள் இருக்கும்.

2 புதிய அணிகளை வாங்குவதற்கான டெண்டர் விண்ணப்பம் நடைமுறை ஏற்கனவே தொடங்கி விட்டது. புதிய அணிகளுக்கான தொகையை பூர்த்தி செய்து கொடுப்பதற்கான தேதி நேற்றுடன் முடிந்து விட்டது.

இதனால் புதிய 2 அணிகளை யார் வாங்குகிறார்கள் என்ற விவரம் நாளை பிற்பகல் தெரியும்.

இந்த அணிகளை வாங்கு வதற்கான குறைந்தபட்ச தொகை ரூ.1012 கோடியாகும். இந்த தொகையை விட யார் அதிகமான தொகையை டெண்டரில் குறிப்பிட்டு இருக்கிறார்களோ அவர்கள் அணியின் உரிமை வழங்கப்படும்.

குஜராத்தை சேர்ந்த பிரபல அதானி குரூப், சகாரா நிறுவனம், இங்கிலாந்து கால்பந்து கிளப், ஜெய் பீ குரூப் உள்பட பல நிறுவனங்கள் இதற்கான போட்டியில் இருப்பதாக கூறப்படுகிறது.

நடிகர் மோகன்லாலும், டைரக்டர் பிரியதர்சனும் இணைந்து ஐ.பி.எல். அணியை வாங்க திட்டமிட்டு இருந்தனர். கடைசி நேரத்தில் அவர்கள் அதில் இருந்து விலகினார்கள். இதேபோல இங்கிலாந்தில் உள்ள எம்.சி.சி. கிளப்பும் இந்த போட்டியில் இருந்து விலகியது.