இதன் மூலம் 5 ஒரு நாள் போட்டிகள் கொண்ட தொடரில் அவுஸ்திரேலியா 2-1 என்று முன்னிலை வகிக்கிறது.

 

துவக்க வீரரும் விக்கெட் கீப்பருமான பிராட் ஹேடின் அபாரமாக விளையாடி அதிரடி சதம் கண்டார். ரிக்கி பாண்டிங் 71 பந்துகளில் 9 பவுண்டரிகளுடன் 69 ரன்கள் எடுத்தார்.

 

பாண்டிங்கும், பிராட் ஹேடினும் இணைந்து 25 ஓவர்களில் 151 ரன்களை 2-வது விக்கெட்டுக்காகச் சேர்த்தது வெற்றிக்கு வித்திட்டுள்ளது.

 

டிம் சவுதீ இன்று நன்றாக பந்தின் தையல் தரையில் பட்டு எழும்புமாறு வீசினார். அவர் 10 ஓவர்களில் 43 ரன்கள் கொடுத்து ஒரு விக்கெட்டைக் கைப்பற்றினார்.

 

மேசன், ஸ்டைரிஸ் ஆகியோர் 17.2 ஓவர்களில் 111 ரன்களை விட்டுக் கொடுத்தனர். டேனியல் வெட்டோரி வழக்கம்போல் சிறப்பாகவும் சிக்கனமாகவும் வீசி 10 ஓவர்களில் 36 ரன்கள் கொடுத்து கடைசியாக ஹேடின் விக்கெட்டைக் கைப்பற்றினார்.

 

நியூஸீலாந்து ஃபீல்டிங் மோசமாக இருந்தது. ஹேடினுக்கு தவற விட்ட கேட்ச்கள் உட்பட நிறைய கேட்ச்களை கோட்டை விட்டனர்.

 

ஹேடின் 121 பந்துகளில் 7 பவுண்டரிகள் 5 சிக்சர்கள் சகிதம் 110 ரன்கள் எடுத்து ஆட்ட நாயகன் விருதைத் தட்டிச் சென்றார்.

 

ஹஸ்ஸி 9 ரன்களுக்கு ஆட்டமிழந்தார். கேமரூன் ஒயிட் 25 ரன்கள் எடுத்தும் ஆடம் வோஜஸ் 13 ரன்கள் எடுத்தும் ஆட்டமிழக்காமல் இருந்தனர்.