தண்டனை அபராதம் முதல் ஓராண்டு தடை வரை இருக்கலாம் என்று பாகிஸ்தான் கிரிக்கெட் வாரியத்தின் நம்பத்தகுந்த வட்டாரங்கள் தெரிவிக்கின்றன.

 

அக்மல் சகோதரர்களுக்கு அபராதமும், ஷோயப் மாலிக் மற்றும் ரானா நவேத் ஆகியோருக்கு ஓராண்டு தடையும் விதிக்கப்படலாம் என்று அந்த அறிக்கை மூலம் தெரியவந்துள்ளது.

 

இந்த அறிக்கையை ஏற்று பாகிஸ்தான் கிரிக்கெட் வாரியம் தண்டனை வழங்கலாம் அல்லது எச்சரிக்கை மட்டும் விடுத்து விட்டு விடலாம். ஆனால் இது குறித்து பாகிஸ்தான் கிரிக்கெட் வாரியம் எந்த வித அதிகாரபூர்வ தகவல்களையும் இன்னும் வெளியிடவில்லை.

 

இந்த நிலைமையில் இருபது ஓவர் கிரிக்கெட் உலகக் கோப்பைக்கான 15 வீரர்கள் கொண்ட பாகிஸ்தான் அணியில் யார் யார் இடம்பெறுவார்கள் என்ற ஐயமும் தற்போது எழுந்துள்ளது.

 

பாகிஸ்தான் கிரிக்கெட் வாரியத் தலைவர் இஜாஜ் பட் நேற்று அணித் தேர்வுக் குழு கூட்டத்தில் இந்த அறிக்கையின் பல்வேறு விவரங்களை விவாதித்துள்ளதாக தெரிகிறது.

 

சிட்னி டெஸ்ட் போட்டியில் 5 வாய்ப்புகளை தவற விட்டு அணியை தோல்விக்கு இட்டுச் சென்ற விக்கெட் கீப்பர் கம்ரன் அக்மல், அடுத்த போட்டியில் இடம்பெற மாட்டார் என்று அணி நிர்வாகம் அறிவித்துருந்தும் இவர் தன்னிச்சையாக தான் அணியில் இடம்பெறுவேன் என்று பேட்டியளித்தார். மேலும் இவரது சகோதரர் உமர் அக்மல், தன் சகோதரை நீக்கினால் தானும் விளையாடுவது சந்தேகம் என்பதை அறிவிக்கும் விதமாக பொய்க்காயத்தை காரணம் காட்டியதாக அப்போது செய்திகள் வெளிவந்தன.

 

இதனால் அக்மல் சகோதரர்களுக்கு 20 அல்லது 30 லட்சம் ரூபாய்கள் அபராதம் விதிக்கப்படலாம் என்று தெரிகிறது.

 

ஷாகித் அஃப்ரீடி பந்தை வாயில் வைத்து கடித்ததால் அதே தொடரில் இரண்டு போட்டிகளுக்கு தடை விதிக்கப்பட்டார். இதனால் இவரையும் தண்டனைக்கு உள்ளாக்க பாகிஸ்தான் வாரியம் பரிசீலனை செய்து வருகிறது. இதனால் அவரது இருபதுக்கு 20 அணித் தலைமைப் பொறுப்பும் பறிபோகலாம் என்று தெரிகிறது.

 

ஆனால் ஷோயப் மாலிக், ரானா நவேத் கதை முற்றிலும் வேறானது. இருவரும் அணியில் கோஷ்டிகளை வளர்த்ததாகவும், கேப்டன் யூசுப்பிற்கு நெருக்கடி கொடுக்கும் வேலையைச் செய்ததாலும் இவர்கள் மீது ஒழுங்கு நடவடிக்கை தடை அளவுக்குச் செல்லலாம் என்று கூறப்படுகிறது.

 

இந்த சர்ச்சைகளினால் நேற்று அறிவிக்கப்பட்டிருக்க வேண்டிய பாகிஸ்தான் அணி அறிவிக்கப்படவில்லை. மேலும் 30 உத்தேச விரர்கள் கொண்ட பட்டியல் 21ஆகக் குறைக்கப்பட்டுள்ளது.