இத்தாலியில் நடைபெற்ற ஏல விற்பனையில் மரடோனாவின் காதாணிகள் விற்பனை செய்யப்பட்டதாகவும், இதன் உண்மைப் பெறுமதியிலும் ஐந்து மடங்கு அதிகமாக ஏலத்தில் விற்பனை செய்யப்பட்டுள்ளதாகவும் தெரிவிக்கப்படுகிறது.

பொல்சோனா நகரைச் சேர்ந்த பெயர் குறிப்பிட விரும்பாத பெண் ஒருவரினால் குறித்த காதணிகள் கொள்வனவு செய்யப்பட்டுள்ளன.

கடந்த வருடம் மருத்துவ சிகிச்சைக்காக மரடோனா இத்தாலி சென்றிருந்த போது குறித்த காதணியை அந்நாட்டு காவல்துறையினர் மரடோனாவிடமிருந்து கைப்பற்றினர்.

வரி ஏய்ப்பில் ஈடுபட்ட குற்றத்திற்காக மரடோனாவின் காதணிகளை காவல்துறையினர் பறிமுதல் செய்துள்ளனர்.

ஆர்ஜன்டீனாவைச் சேர்ந்த முக்கிய கால்பந்தாட்ட நடச்த்திரங்கள் பலர் இத்தாலியில் வரி நிலுவைகளைச் செலுத்தத் தவறியுள்ளதாகத் தெரிவிக்கப்படுகிறது.

இத்தாலிய சட்ட திட்டங்களின் அடிப்படையில் வரி ஏய்ப்பில் ஈடுபட்டவர்களை கைது செய்ய முடியாது என்பது குறிப்பிடத்தக்கது.