ஆஸ்ட்ரேலிய ஓபன் டென்னிஸ் தொடரின் மகளிர் ஒற்றையர் பிரிவு 3வது சுற்றில் பெல்ஜியம் வீராங்கனை கிம் கிளைஸ்டர்ஸ் அதிர்ச்சித் தோல்வியடைந்தார்.

குழந்தை பெற்றுக் கொள்வதற்காக சர்வதேசப் போட்டிகளில் இருந்து விலகியிருந்த கிளைஸ்டர்ஸ், கடந்தாண்டு மீண்டும் டென்னிஸ் போட்டிகளில் பங்கேற்கத் துவங்கினார். ஆஸ்ட்ரேலிய ஓபன் 2009 சாம்பியன் பட்டத்தை வென்றதன் மூலம் தனது மறு வருகையை ஆணித்தரமாக உணர்த்தினார்.

நேற்று நடந்த 3வது சுற்றுப் போட்டியில் ரஷ்யாவின் நாடியா பெட்ரோவா உடன் கிளைஸ்டர்ஸ் மோதினார். இதில் கிளைஸ்டர்ஸ் நிறைய தவறுகளை செய்ததால் அவருக்கு பின்னடைவு ஏற்பட்டது. கிளைஸ்டர்ஸ் செய்த ‘அன்ஃபோர்ஸ்டு எரர்’கள் மட்டும் 26. இதுதவிர 4 முறை `டபுள்ஃபால்ட்' செய்தார்.

மொத்தம் 52 நிமிடங்கள் மட்டுமே நடந்த இந்த மோதலில் நாடியா பெட்ரோவா 6-0, 6-1 என்ற நேர் செட்டில் வெற்றி பெற்றார். கிளைஸ்டர்ஸுக்கு எதிராக பெட்ரோவா பெறும் முதல் வெற்றி இதுவாகும்.

இப்போட்டியில் நடந்த 2 செட் ஆட்டத்திலும், கிளைஸ்டர்ஸ் ஒரே ஒரு கேம் மட்டுமே வென்றார். இது அவரது டென்னிஸ் வாழ்க்கையில் மிகப் பெரிய தோல்வியாக கருதப்படுகிறது.