இந்த வருடம் நடைபெற்ற ஆபிரிக்கக் கிண்ணப் போட்டிகளை டொகோ பகிஷ்கரிப்பு செய்திருந்தமை குறிப்பிடத்தக்கது.

போட்டித் தொடரை பகிஷ்கரித்த குற்றத்திற்காக டொகோ தேசிய அணிக்கு 50,000 அமெரிக்க டொலர் அபராதமும் விதிக்கப்பட்டுள்ளது.

அங்கோலா நாட்டில் வைத்து தமது அணி வீரர்கள் பயணித்த பஸ் மீது நடத்தப்பட்ட தாக்குதலை அடுத்து டொகோ கழகம் போட்டிகளை பகிஷ்கரிக்கத் தீர்மானித்தது.

அணியுடன் பயணம் செய்த இரண்டு உத்தியோகத்தர்கள் இந்தத் தாக்குதலில் பரிதாபமாக உயிரிழந்தனர்.

எனினும், ஆபிரிக்க கால்பந்தாட்டப் பேரவையின் இந்தத் தீர்மானம் தொடர்பில் டொகோ அரசாங்கம் கடும் அதிருப்தியை வெளியிட்டுள்ளது.

இந்தத் தீர்மானத்திற்கு எதிராக சட்ட நடவடிக்கை எடுக்கப்படும் என அரசாங்கம் அறிவித்துள்ளது.

மனித உயிர்களின் பெறுமதி அறியாத வகையில் ஆபிரிக்க கால்பந்தாட்டப் பேரவை செயற்பட்டு வருவதாக அரசாங்கம் குறிப்பிட்டுள்ளது.

உயிரிழந்த நபர்களின் குடும்பத்தாருக்கு செய்யும் அவதூறாக இந்தத் தீர்மானத்தை கருதுவதாக டொகோ அரசாங்கம் சுட்டிக்காட்டியுள்ளது,