நியூசிலாந்தின் வெலிங்டனில் உள்ள வெஸ்ட்பெக் மைதானத்தில் பகலிரவு ஆட்டமாக இந்தப் போட்டி நடைபெற்றது.

நாணய சுழற்சியில் வெற்றியீட்டிய நியூசிலாந்து அணி முதலில் துடுப்பெடுத்தாடத் தீர்மானித்தது.

நியூசிலாந்து அணி நிர்ணயிக்கப்பட்ட 20 ஓவர்களில் சகல விக்கட்டுகளையும் இழந்து 118 ஓட்டங்களைப் பெற்றுக் கொண்டது.

இதில், ஜேம்ஸ் பிராங்கிலின் 43 ஒட்டங்களையும், மார்டீன் குட்பில் 30 ஓட்டங்களையும் பெற்றுக் கொண்டனர்.

பந்து வீச்சில் மிச்சல் ஜோன்சன் 19 ஓட்டங்களுக்கு மூன்று விக்கட்டுகளையும், ஷோன் டெய்ட், டெரிக் டென்னிஸ் மற்றும் ஷேன் வெட்சன் ஆகியோர் தலா இரண்டு விக்கட்டுகளை வீழ்த்தினர்.

119 ஓட்டங்கள் என்ற வெற்றி இலக்கை நோக்கித் துடுப்பெடுத்தாடிய அவுஸ்திரேலிய அணி 16 ஒவர்களில் நான்கு விக்கட்டுகளை இழந்து 119 ஓட்டங்களைப் பெற்றுக் கொண்டது.

துடுப்பாட்டத்தில் அவுஸ்திரேலிய அணியின் சார்பில் டேவிட் ஹசீ 46 ஒட்டங்களையும், டேவிட் வோர்னர் மற்றும் ஷேன் வெட்சன் ஆகியோர் தலா 19 ஓட்டங்களையும் பெற்றுக் கொண்டனர்.

பந்து வீச்சில் ஷேன் பொன்ட் இரண்டு விக்கட்டுகளையும், டெனியல் விட்டோரி மற்றும் நெதன் மெக்கலாம் ஆகியோர் தலா ஒரு விக்கட்டை வீழ்த்தினர்.

அபார பந்து வீச்சுத் திறமையை வெளிப்படுத்திய மிச்சல் ஜோன்சன் ஆட்ட நாயகனாகத் தெரிவு செய்யப்பட்டார்