ஹாலந்து அணி மறு நாள் அர்ஜென்டீனா அணியை எதிர்கொள்ளவிருந்தாலும் துணைக் கண்டத்தின் இந்த இரு அணிகள் மோதும் ஆட்டத்தைத் தான் காண தவற மாட்டேன் என்று கூறினார் வோஜல்ஸ்.

"பிரிவு 'ஏ' -யின் விதியை தீர்மானிக்கும் இந்தியா-பாகிஸ்தான் ஆட்டத்தை நான் நிச்சயம் பார்ப்பேன்." என்கிறார் வோஜல்ஸ்

இந்தியாவின் வாய்ப்புகள் குறித்து தான் உறுதியாக எதுவும் கூற இயலவில்லையெனினும் பாகிஸ்தான் அணி இந்த உலகக் கோப்பை தொடரில் ஒரு சவாலான அணியாகத் திகழும் என்று எதிர்பார்ப்பதாக அவர் தெரிவித்தார்.

"நாங்கள் தோஹாவில் இரண்டு பயிற்சி ஆட்டங்களை பாகிஸ்தானுடன் விளையாடினோம், இரண்டு ஆட்டங்களுமே கடினமாக இருந்தது. பாகிஸ்தான் அணி எதிர்தாக்குதலில் பலம் வாய்ந்தது. எனவே எந்த அணியும் அவர்களுக்கு போதிய இடம் அளிக்கக்கூடாது. சொகைல் அப்பாஸ் என்ற சிறந்த வீரர் அங்கு இருக்கிறார். அவர் உலகின் மிகச்சிறந்த டிராக் ஃபிளிக்கர்களுல் ஒருவர்." என்றார் வோஜல்ஸ்.