இதில் போர்டியூ, பேயர்ன் மூனிக், மான்செஸ்டர் யுனைடெட், மாஸ்கோ கால்பந்து கிளப், ரியால் மேட்ரிட், ஏ.சி.மிலன், செல்சீ, எஃப்.சி. போர்ட்டோ, புளோரென்டீனா, லயான், பார்சிலோனா, இண்டர் மிலன், செவில்லா, ஸ்டட்கர்ட், ஆர்செனல், ஒலிம்பியாகோஸ் ஆகிய அணிகள் தங்கள் பிரிவுகளில் முதல் 2 இடங்களைப் பெற்று இறுதி-16 சுற்றுக்கு தகுதி பெற்றன.

இதில் 23ஆம் தேதி நடைபெற்ற முதல் லெக் இறுதி-16 சுற்று ஆட்டங்களில் பிரான்ஸ் அணியான போர்டியூ அணி ஒலிம்பியாகோஸ் அணியை 1-0 என்ற கோல் கணக்கில் வீழ்த்தியது.

இதே தினத்தில் நடைபெற்ற மற்றொரு போட்டியில் பார்சிலோனா அணியுடன் ஸ்டட்கர்ட் அணி டிரா 1-1 என்று டிரா செய்து அதிர்ச்சியளித்தது.

இதனால் இரண்டாவது லெக் ஆட்டத்தில் பார்சிலோனா அணி ஸ்டட்கர்ட்டை வீழ்த்த வேண்டிய கட்டாயத்திற்குத் தள்ளப்பட்டுள்ளது.

நேற்று நடைபெற்ற மற்றொரு முக்கிய ஆட்டத்தில் பலம் வாய்ந்த இங்கிலாந்து கால்பந்து கிளப்பான செல்சீ அணியை இண்டர்மிலன் அணி 2-1 என்ற கோல் கணக்கில் வெற்றி பெற்றது.

மற்றொரு ஆட்டத்தில் மாஸ்கோ கால்பந்து கிளப் அணியும் செவில்லா அணியும் 1-1 என்று சமன் செய்தது.