இன்று நடந்த அரையிறுதிப் போட்டியில் சீன வீராங்கனை லி-னாவை எதிர்த்து செரீனா விளையாடினார். இருவருமே சிறப்பாக விளையாடியதால் ஆட்டத்தில் அனல் பறந்தது. முதல் செட்டை 7-6 (7-4) என்ற புள்ளிக்கணக்கில் செரீனா போராடி வென்றார்.

இதையடுத்து நடந்த 2வது செட் ஆட்டத்திலும் கடுமையான போட்டி நிலவியது. டை-பிரேக்கர் வரை சென்ற இந்த செட்டை 7-6 (7-1) என்ற புள்ளிக்கணக்கில் வென்று இறுதிப்போட்டிக்கு செரீனா முன்னேறினார்.

ஹெனின் அசத்தல் வெற்றி

மற்றொரு அரையிறுதிப் போட்டியில் சீன வீராங்கனை ஷெங்-ஜி உடன் மோதிய ஹெனின் மிக அபாரமாக விளையாடி 6-1, 6-0 என்ற நேர் செட்களில் வெற்றி பெற்று இறுதிப்போட்டிக்கு முன்னேறினார்.

கிராண்ட்ஸ்லாம் தொடரின் அரையிறுதிக்கு சீன வீராங்கனை 2 பேர் முன்னேறியது இதுவே முதல் முறை என்ற போதிலும், இருவருமே அரையிறுதிச் சுற்றில் வெளியேறியதால் சீன ரசிகர்கள் கடும் அதிருப்தியடைந்துள்ளனர்.