இதுகுறித்து சானியா மிர்சா அளித்துள்ள பேட்டியில், “கடந்த 5 ஆண்டுகளாக நாங்கள் (சோரப்) நல்ல நண்பர்களாக இருந்தோம். ஆனால் நிச்சயதார்த்தத்திற்குப் பிறகு இருவரும் மனதளவில் பொருத்தம் இல்லை என்பதைப் புரிந்து கொண்டோம். எனவே திருமண வாழ்வில் ஒன்றாக இருக்க முடியாத காரணத்தால் பிரிய முடிவு செய்துள்ளோம். வாழ்க்கையில் சிறந்து விளங்க சோரப்புக்கு என் வாழ்த்துக்கள்” எனக் கூறியுள்ளார்.

ஹைதராபாத்தில் கடந்தாண்டு ஜூலையில் சானியா-சோரப் இடையே நிச்சயதார்த்தம் நடந்தது. அதன் பின்னர் பேட்டியளித்த சானியா, “திருமணத்திற்குப் பிறகு டென்னிஸ் விளையாட்டிலிருந்து ஓய்வு பெறுவேன்” என்று கூறியிருந்தார். இந்நிலையில் திடீரென நிச்சயதார்த்தம் ரத்து செய்யப்பட்டுள்ளது.