லண்டன் ஒலிம்பிக் போட்டியில் பெண்களுக்கான பாட்மிண்டன் போட்டியில் இந்தியாவின் சாய்னா நெஹ்வால் கலந்து கொண்டார்.

ஒற்றையர் பிரிவிற்கான போட்டியில் வெண்கலம் வென்று நாடு திரும்பிய சாய்னா நெஹ்வாலுக்கு, பிரமாண்ட வரவேற்பு அளிக்கப்பட்டது.

ஒலிம்பிக் போட்டியில் பதக்கம் வென்றதை பாராட்டி அவருக்கு மத்திய, மாநில அரசுகள் விழா நடத்தி கெளரவப்படுத்தியது.

இந்நிலையில், விமானப்படையில் உள்ள இளம் வீரர்கள் விடாமுயற்சியுடன் நாட்டிற்காக போராட வேண்டும் என்பதை ஊக்குவிக்குமாக சாய்னாவுடன் சந்திப்புக்கு ஏற்பாடு செய்யப்பட்டுள்ளது.

இதற்காக ஆந்திராவில் உள்ள ராணுவ அதிகாரிகள் பயிற்சி அகாடமியிலிருந்து `கிரன் எம்.கே. 2' என்ற போர் பயிற்சி விமானத்தில் சாகச பயணத்தை மேற்கொள்ள உள்ளார்.

இந்நிகழ்ச்சியின் போது அகாடமியில் உள்ள வீராங்களுடன் பேட்மிண்டன் போட்டியிலும் விளையாடுகிறார்.

இது குறித்து விமானப்படை அதிகாரி ஒருவர் கூறுகையில், இங்கு பயிற்சி பெறும் இளம் அதிகாரிகள் கடினமாக உழைத்து தங்கள் லட்சியத்தை அடைந்து நாட்டுக்கு சேவை செய்ய வேண்டும் என்பதை ஊக்குவிப்பதே சாய்னா பயணத்தின் நோக்கம் என்று தெரிவித்தார்.