நட்சத்திர வீராங்கனை சாய்னா இல்லாத நிலையில், இந்திய ரசிகர்களை உற்சாகத்தில் ஆழ்த்திய சிந்து அரையிறுதியிலும் வெற்றி பெறுவார் என்று ஆவலுடன் காத்திருந்தனர்.

ஆனால் சிந்து, இன்று நடைபெற்ற அரையிறுதி ஆட்டத்தில் சீன வீராங்கனை யான்ஜியாவோவிடம் போராடித் தோல்வியடைந்தார். விறுவிறுப்பாக நடந்த இப்போட்டியில் முதல் செட்டை 10-21 என இழந்த சிந்து, 2ம் செட்டை (21-14) போராடி கைப்பற்றினார்.

இதனால் 3வது செட்டை கைப்பற்ற இருவரும் கடுமையான ஆட்டத்தை வெளிப்படுத்தினர். இருப்பினும் இரண்டு புள்ளிகள் வித்தியாசத்தில் சீன வீராங்கனை அந்த செட்டை (21-19) வசமாக்கியதால், இறுதிப்போட்டிக்கு தகுதி பெற்றார்.