2012ம் ஆண்டிற்கான ஒலிம்பிக் போட்டி பிரிட்டன் தலைநகர் லண்டனில் நடைபெற உள்ளது.

இந்த போட்டியின் நிறைவு விழாவில் இங்கிலாந்தின் பிரிட்டனின் பிரபலமான ”ஸ்பைஸ் கேர்ள்ஸ்” பொப் இசைக்குழு நிகழ்ச்சி நடைபெற உள்ளது.

பொப் இசை உலகில் கொடிகட்டிப் பறந்த இந்த குழுவில் ஜெரி ஹாலிவெல், எம்மா பன்டன், மெலனி சிஷோம், மெலனி பிரவுன், விக்டோரியா பெக்காம் ஆகிய 5 பாடகிகள் இடம் பெற்றிருந்தனர்.

இவர்களுக்குள் கருத்து வேறுபாடு ஏற்பட்டதால், கடந்த 2008ம் ஆண்டு பிரிந்தனர். அதன் பின்பு முதல் முறையாக இவர்கள் 5 பேரும் மீண்டும் ஒன்றாக இணைந்து இசை நிகழ்ச்சியில் பங்கேற்க உள்ளதால், ஒலிம்பிக் நிறைவு விழா மீதான எதிர்பார்ப்பு அதிகரித்துள்ளது.

இந்த இசைக் குழுவின் பிரபல பாடலான ‘வானபி’ உட்பட 2 பாடல்களுக்கான நேரம் ஒதுக்கப்பட்டுள்ளதாகத் தகவல் வெளியாகி உள்ளது. 1996ல் இந்த பாடல் வெளியானபோது, 30க்கும் மேற்பட்ட நாடுகளின் ‘டாப் 10’ நிகழ்ச்சியில் நீண்ட நாட்களுக்கு “நம்பர் 1” ஆக இருந்தது குறிப்பிடத்தக்கது.