இலங்கையில் சுற்றுப்பயணம் மேற்கொண்டுள்ள இந்திய அணிக்கும், இலங்கை அணிக்கும் இடையிலான 5 போட்டிகள் கொண்ட ஒருநாள் தொடர் நடைபெற்று வருகிறது.

முதல் ஒருநாள் போட்டி நேற்று ஹம்பாந்தோட்டையில் ராஜிவ் காந்தி சர்வதேச மைதானத்தில் நடைபெற்றது. நேற்றைய போட்டியில் இந்திய அணி 21 ஓட்டங்கள் வித்தியாசத்தில் வெற்றி பெற்றது.

இருப்பினும், நேற்றைய போட்டியில் சர்தேச கிரிக்கெட் வாரியத்தின் (ஐ.சி.சி) விதிமுறைகளை மீறி செயற்பட்டமைக்காக இந்திய அணிக்கும் அதன் தலைவர் மஹேந்திர சிங் டோனிக்கும் அபராதம் விதிக்கப்பட்டுள்ளது.

மெதுவாக பந்து வீசியதாக இந்திய அணி மீதும் அதன் தலைவர் மீதும் குற்றம் சுமத்தப்பட்டுள்ளது.

இதன்படி நேற்றைய போட்டியில் நடுவராக பணியாற்றிய கிரிஸ் ப்ரோட், இந்திய அணித்தலைவருக்கு போட்டி ஊதியத்திலிருந்து 20 சதவிகித அபராதமும், அதன் வீரர்களுக்கு 10 சதவிகித அபராதமும் விதித்துள்ளார்.