தொடர்ச்சியாக ஏற்பட்டு வந்த முழங்கால் பிரச்னை காரணமாக 2011ஆம் ஆண்டு தான் டெஸ்ட் போட்டிகளில் இருந்து ஓய்வு பெறுவதாக லசித் மலிங்க அறிவித்தார்.

இவர் இறுதியாக 2010ஆம் ஆண்டு ஆகஸ்ட் மாதத்தில் டெஸ்ட் போட்டியில் பங்கேற்றது குறிப்பிடத்தக்கது.

இதுகுறித்து சம்பக்க ராமநாயக்க கூறுகையில், லசித் மலிங்கவின் உடல்நிலை அதியுச்ச நிலையை அடையுமாயின் அவர் நிச்சயமாக டெஸ்ட் போட்டிகளுக்கு திரும்புவார் என்றும் தெரிவித்தார்.

மேலும் தனது முழங்கால் பிரச்னை அதிகமானால் 3 விதமான போட்டிகளில் இருந்தும் விலக வேண்டிய கட்டாயம் ஏற்படலாம் என்று அஞ்சி, தான் டெஸ்ட் போட்டியில் இருந்து லசித் மலிங்க வெளியேற வேண்டிய கட்டாயம் ஏற்பட்டதாக தெரிவித்தார்.

லசித் மலிங்க தனது உடற்தகுதி தொடர்பாக அதிக கவனத்துடன் கடுமையான பயிற்சிகளில் ஈடுபட்டு வருவதாகத் தெரிவித்த அவர், லசித் மலிங்க ஒவ்வொரு டெஸ்ட் தொடரிலும் ஒரு போட்டியில் விளையாடினாலே தான் மகிழ்ச்சியடைவேன் எனத் தெரிவித்தார்.

ஏனெனில் விளையாடும் அந்தப் போட்டியில் அவர் இலங்கைக்காக வெற்றிகளைப் பெற்றுக் கொடுப்பார் என தான் எண்ணுவதாகவும் தெரிவித்தார்.