இந்தியா, இலங்கை அணிகளுக்கு இடையிலான 5 போட்டிகள் கொண்ட ஒருநாள் தொடர் இலங்கையில் நடைபெற்று வருகிறது. நேற்று நடைபெற்ற முதல் போட்டியில் இலங்கை அணியை 21 ஓட்டங்கள் வித்தியாசத்தில் இந்திய அணி வீழ்த்தியது.

தோல்வி குறித்து இலங்கை அணியின் அணித்தலைவர் கூறுகையில், இந்தியா போன்ற பலமானதொரு அணிக்கெதிராக அதிக தவறுகளை விட முடியாது என்று அவர் தெரிவித்தார்.

இறுதி ஓவர்களில் அதிக ஓட்டங்களைப் பெற வேண்டியிருந்தது அணிக்குப் பாதமாக அமைந்தது எங்கள் தவறு தான் என்றார்.

இலங்கை அணியில் அடித்தாடக் கூடிய வீரர்கள் உள்ளார்கள். எனினும் அவர்களுக்கு அதிக ஓட்டங்களை, குறைந்த ஓவர்களில் பெற வேண்டிய நிலையிலேயே போட்டியைக் கையளித்ததாக மஹேல தெரிவித்தார்.

சங்கக்காரா சிறந்த அடித்தளமொன்றைப் பெற்றுக் கொடுக்க முனைந்து கொண்டிருந்தார் எனவும், எனினும் இறுதி 10 ஓவர்களில் துடுப்பெடுத்தாடும் போது போட்டி இந்திய அணியின் பக்கமே காணப்பட்டதாகத் தெரிவித்தார்.

நேற்றைய போட்டியில் இலங்கை அணி இரண்டாவதாகத் துடுப்பெடுத்தாட வேண்டி ஏற்பட்ட நிலையில் அதுவும் இலங்கை அணிக்குப் பாதகமாக அமைந்திருந்தது.

நாணயச்சுழற்சியில் வெற்றிபெற்றது இந்திய அணிக்கு மேலும் சாதகமாக அமைந்தது எனவும் அவர் தெரிவித்தார்.