நேற்று நடந்த 2-வது சுற்று ஆட்டத்தில் ஸ்பெயின் வீரரும் 11 முறை கிராண்ட்சிலாம் பட்டம் வென்றவருமான ரபேல் நடால் அதிர்ச்சி தோல்வி அடைந்தார்.

நேற்றைய ஆட்டத்தில் 2-வது வீரரான ரபேல் நடால் டென்னிஸ் தரவரிசையில் 100-வது இடத்தில் இருக்கும் செக்குடியரசு வீரரான லூகாஸ் ரோசலுடன் மோதினார்.

இதில் 6-7, (9/11), 6-4, 6-4, 2-6, 6-4 என்ற செட் கணக்கில் நடாலை ரோசல் வீழ்த்தினார். இந்த தோல்வியின் மூலம் நடால் 2-வது சுற்றிலேயே வெளியேற வேண்டிய பரிதாப நிலை ஏற்பட்டது.

நடாலை வீழ்த்திய ரோசல் இதுவரை 5 முறை மட்டுமே விம்பிள்டன் போட்டிகளில் விளையாடி இருக்கிறார். ஆனால் அவர் முதல் சுற்றுக்கு மேல் தகுதி பெற்றது இல்லை. ஆனால் இப்போது 2008 மற்றும் 2010 விம்பிள்டன் சாம்பியனான நடாலை வீழ்த்திய பெருமை பெற்றார்.

ஏற்கனவே 2005 விம்பிள்டன் போட்டியில் ஒருமுறை நடால் இதுபோல் அதிர்ச்சி தோல்வி அடைந்தார். அப்போதும் 2-வது சுற்றில் முல்லரிடம் தோற்றார். அதன்பிறகு இப்போது மிக மோசமான தோல்வியை நடால் சந்தித்து இருக்கிறார். இதில் தோற்றதன் மூலம் நடால் ஒலிம்பிக் போட்டியில் விளையாடும் வாய்ப்பை இழந்தார்.