இந்த வருடத்திற்கான பார்முலா 1 கார்பந்தயம் உலகம் முழுவதும் 20 கிராண்ட்பிரிக்ஸ் போட்டிகளாக நடத்தப்பட்டு வருகிறது. 9 கிராண்ட்பிரிக்ஸ் கார்பந்தயம் முடிந்த தருவாயில் 10வது கிராண்ட்பிரிக்ஸ் நேற்று நடைபெற்றது.

ஜேர்மன் கிராண்ட்பிரிக்ஸ் வெற்றியின் மூலம் இந்த வருட பார்முலா 1 பந்தயத்தில் அலோன்சா தொடர்ந்து முன்னிலை வகிக்கிறார். மற்றொரு முன்னணி வீரரான மெக்லர்னஸ் அணியின் ஜென்சன் பட்டன் 2வது இடம் பிடித்தார்.

பின்லாந்தின் கிமி ரேய்க்கோனன் 3வது இடத்தையும், ஜப்பானின் காமூய் கோபயாஷி 4வது இடத்தையும் பிடித்தனர்.

உள்ளூர் வீரரும் நடப்பு சாம்பியனுமான ரெட்புல் ரேசிங் அணியின் செபாஸ்டியன் வெட்டல் இப்போட்டியில் 5வது இடத்தை பிடித்தார். 30 அயது ஸ்பெயின் வீரரான அலோன்சா இந்த ஆண்டில் பெற்றுள்ள 3வது கிராண்ட்பிரிக்ஸ் வெற்றி இதுவாகும்.

முன்னதாக ஐரோப்பிய மற்றும் மலேசிய கிராண்ட்பிரிக்ஸ் பந்தயங்களில் அலோன்சா சாம்பியன் பட்டம் வென்றிருந்தார். 7 முறை உலக சாம்பியன் பட்டத்தை வென்றுள்ள ஜேர்மனி வீரரான மைக்கேல் ஷுமாக்கரால் ஜெர்மன் கிராண்ட்பிரிக்சில் 7வது இடத்தையே பிடிக்க முடிந்தது.