உலக டென்னிஸ் தரவரிசையில் முன்னாள் அமெரிக்க வீரரான பீட் சாம்ப்ராஸ் 286 வாரங்கள் முதலிடத்தில் இருந்ததே இதுவரை உலக சாதனையாக இருந்து வந்தது.

சாம்ப்ராசின் இச்சாதனையை 287 வாரங்கள் முதலிடத்தில் நீடித்து 30 வயதான பெடரர் நேற்று முறியடித்தார்.

கடந்த 2004ம் ஆண்டு பிப்ரவரி மாதம் தனது 22வது வயதிலேயே உலக டென்னிஸ் தரவரிசையில் முதலிடத்தைப் பிடித்த பெடரர் 2008ம் ஆண்டு ஆகஸ்ட் வரை தொடர்ந்து முதலிடத்திலேயே நீடித்து வந்தார்.

2009ம் ஆண்டு யூலை மாதத்தில் மீண்டும் முதலிடத்திற்கு முன்னேறிய அவர், 2010 பிரெஞ்ச் ஓபனில் அடைந்த தோல்வியால், ரபேல் நடால் முதலிடத்தைப் பிடித்தார்.

இந்நிலையில், 17 கிராண்ட்சிலாம் பட்டங்களை வென்றுள்ள பெடரர், சமீபத்தில் விம்பிள்டன் கிண்ணத்தை 7வது முறையாக வென்றதன் மூலம் 2 வருட இடைவெளிக்குப் பின்பு மீண்டும் முதலிடத்தைப் பிடித்தார். அடுத்து வர இருக்கும் ஒலிம்பிக் தொடர் வரை பெடரர் முதலிடத்திலேயே நீடிப்பார்.

மேலும், ஆண்ட்ரே அகாசிக்கு பின்னர் முதலிடத்தைப் பிடித்த வயதான வீரர் பெடரர்தான் என்பதும் குறிப்பிடத்தக்கது.