தரவரிசையில் முதலிடத்தில் உள்ள நோவக் ஜோகோவிச் காலிறுதிச் சுற்றில் டேவிட் பெரரை 6-2, 7-6 என்ற கணக்கில் வீழ்த்தி அரையிறுதிச் சுற்றுக்கு முன்னேறினார்.

நேற்று நடைபெற்ற அரையிறுதிச் சுற்றில் அர்ஜென்டீனாவின் ஜுயன் மொனாகோவுடன் மோதினார்.

ஆரம்பத்தில் அதிரடியாக விளையாடிய ஜோகோவிச் 6-0 என்ற கணக்கில் முதல் சுற்றில் வெற்றி பெற்றார். அடுத்த செட் ஆட்டத்தில் மொனோகோவும் அதிரடியாக ஜோகோவிச்சுக்கு இணையாக விளையாடி போட்டியை 6-6 என்று சமன் செய்தார்.

பின்னர் டை பிரேக்கர் சுற்றில் சிறப்பாக விளையாடிய ஜோகோவிச் இறுதியில் 6-0, 7-6(5) என்ற கணக்கில் வெற்றி பெற்றார்.

மற்றொரு போட்டியில் முன்னணி வீரரான ரஃபேல் நடால் மூட்டு வலி காரணமாக ஆட்டத்திலிருந்து விலகினார்.

இது குறித்து நடால் கூறுகையில், காயம் காரணமாக என்னால் விளையாட முடியவில்லை. ஆனால், இனி வரும் போட்டிகளை தவறவிடாமல், கூடிய விரைவில் சிகிச்சை பெற்று திரும்பி வருவேன் என்று நம்பிக்கை தெரிவித்தார்.