உலகளவில் அதிகம் சம்பாதிக்கும் விளையாட்டு வீரராக கருதப்படும் டைகர் உட்ஸ், சுமார் 14 பெண்களுடன் உடல் ரீதியான தொடர்பு வைத்திருந்ததாக சம்பந்தப்பட்ட பெண்கள் வெளிப்படையாக அறிவித்தனர்.

இதையடுத்து டைகர் உட்ஸ் தனது திருமண வாழ்க்கையை பாதுகாக்க சர்வதேச கோல்ஃப் போட்டிகளில் பங்கேற்பதை சிறிது காலம் நிறுத்தி வைத்து விட்டு, மனைவி, குழந்தைகளுடன் நேரத்தை செலவிட உள்ளதாக கடந்த சில நாட்களுக்கு முன்னர் அறிவித்தார்.

இந்நிலையில், டைகர் உட்ஸின் நடவடிக்கையால் மனமுடைந்த அவரது மனைவி எலின், அவரிடம் இருந்து விவாகரத்து பெறும் முயற்சிகளில் தீவிரமாக இறங்கியுள்ளதாகவும், இதற்காக தனது வழக்கறிஞர்களிடம் அவர் விவாதித்து வருவதாகவும் அமெரிக்காவின் முன்னணி இணையதளங்களில் செய்தி வெளியாகியுள்ளது.