2012ம் ஆண்டிற்கான ஒலிம்பிக் போட்டிகள் லண்டனில் நடைபெற உள்ளது. இந்த ஒலிம்பிக் போட்டிக்கான சோதனை ஓட்டம் நேற்று நடைபெற்றது.

இந்த 100 மீ ஓட்டத்தில் ஜமைக்காவின் மற்றொரு வீரரான யோஹன் பிளேக் 9.75 வினாடிகளில் இலக்கைக் கடக்க உசைன் போல்ட் 9.86 வினாடிகளிலேயே இலக்கைக் கடக்க முடிந்தது.

யோஹன் பிளேக், நேற்றைய தினம் வரை குறைந்தபட்சமாக 9.82 வினாடிகளிலேயே 100மீ இலக்கை எட்டியிருந்தார்.

இந்த ஆண்டில் 100 மீ ஓட்டத்தில் நேற்று யோஹன் பிளேக் ஓடிய 9.75 வினாடிகள்தான் மிகக்குறைந்த நேரம் ஆகும். இது ஒரு சாதனையாகும்.

போல்ட் பின்தங்கியது லண்டன் ஒலிம்பிக்கில் அவரது தங்கப்பதக்கக் கனவை முறியடிக்குமா என்ற அளவில் தற்போது யோஹன் பிளேக் பற்றி தடகள அரங்கில் பேசப்பட்டு வருகிறது.

மேலும், உசைன் போல்ட் கடந்த ஆண்டு தென்கொரியாவில் நடைபெற்ற உலகத் தடகள சாம்பியன்ஷிப் போட்டிகளில் தவறாகத் தொடங்கியதற்காக போட்டியிலிருந்து விலக்கப்பட்டார்.

அப்போது யோஹன் பிளேக் முதலிடம் வந்து உலக சாம்பியன் பட்டம் வென்றது குறிப்பிடத்தக்கது.