சர்வதேச டென்னிஸ் தரவரிசைக்கான பட்டியலை WTA நேற்று வெளியிட்டது.

இதில் இந்திய வீராங்கனை சானியா மிர்சா 182வது இடத்துக்கு தள்ளப்பட்டுள்ளார். இவர் சமீபத்தில் நடைபெற்ற மியாமி ஓபன் டென்னிஸ் போட்டியில் பிரதான சுற்றுக்கு முன்னேறவில்லை. இதையடுத்து தரவரிசையில் பின்னடைவைச் சந்தித்துள்ளார்.

இரட்டையர் பிரிவில் இரு இடங்கள் பின்தங்கி 9வது இடத்துக்கு சென்றுள்ளார். மியாமி டென்னிஸ் போட்டியில் இரட்டையர் பிரிவில் சானியா மிர்சா, ரஷ்யாவின் வெஸ்னினா இணை முதல் சுற்றிலேயே தோல்வியடைந்ததே இந்த பின்னடைவுக்குக் காரணம்.

சமீபகாலமாக டென்னிஸ் போட்டிகளில் பங்கேற்காத இந்தியாவின் சோம்தேவ் தேவ்வர்மன், 12 இடங்கள் பின்னடைவு ஏற்பட்டு 197 இடத்துக்கு தள்ளப்பட்டுள்ளார்.

ஆடவர் இரட்டையர் தரவரிசையில் இந்தியாவின் லியாண்டர் பயஸ் 7வது இடத்திலும், ரோஹன் போபண்ணா 8வது இடத்திலும், மகேஷ் பூபதி 15வது இடத்திலும் தொடர்ந்து தங்கள் இடத்தைத் தக்கவைத்துக் கொண்டுள்ளனர்.