டுவென்டி-20 உலக கிண்ண கிரிக்கெட் தொடர் இலங்கையில் நடைபெற்று வருகிறது. இதில் பங்குபெறும் இந்திய அணியில் யுவராஜ் சிங் இடம் பெற்றுள்ளார்.

யுவராஜ் சிங் குறித்து டோனி கூறுகையில், யுவராஜ் சிங் தற்போது தனது துடுப்பாட்ட திறமையை பலப்படுத்தி வருகிறார். இது அவருக்கு ஒரு போராட்டம் போன்ற அனுபவமாகும்.

கடந்த காலத்தின் தோல்விகளை குறித்து யோசிக்காத ஒருவருக்கு, வளமான எதிர்காலம் காத்திருக்கிறது என்று நான் நம்புகிறேன். தனது உடல்திறனை அதிகரிக்க யுவராஜ் சிங் ஒவ்வொரு நாளும் தனது போராட்டத்தை தொடர்ந்து வருகிறார்.

டுவென்டி20 போட்டிகளில் கலந்து கொள்ள யுவராஜ் சிங் முழு உடல்திறனுடன் உள்ளார். ஆனால் டெஸ்ட் போட்டிகளில் பங்கேற்க அவர், இன்னும் 100 சதவீத உடல்திறன் பெறவில்லை. ஆனால் விரைவில் டெஸ்ட் போட்டிகளுக்கும் அவர் தயாராகிவிடுவார் என்று நம்புகிறேன் என்றார்.