புற்று நோய் காரணமாக அமெரிக்காவில் சிகிச்சை பெற்று இந்தியா திரும்பிய பின்னர் யுவ்ராஜ் சிங் பயிற்சிகளில் ஈடுபட தொடங்கியுள்ளார்.

யுவ்ராஜ் சிங் தற்போது பயிற்சிகளில் ஈடுபட ஆரம்பித்துள்ளது குறித்து கருத்து தெரிவித்த க்ரிஷ் ஸ்ரீகாந்த், இது மிகவும் சிறப்பான விடயம்.

இந்திய அணிக்காக உலகக் கிண்ணத்தை வென்றுகொடுத்த வீரர் திரும்பவும் அணிக்குத் திரும்ப வேண்டும், அவரது மீள்வருகைக்காகக் காத்திருப்பதாகவும், அவர் அணிக்குத் திரும்ப வேண்டும் எனவும் தெரிவித்தார்.

சர்வதேசக் கிரிக்கெட் சபையின் உலக கிண்ண டுவென்டி-20 தொடருக்கான அணி இம்மாத இறுதியில் தெரிவுசெய்யப்படும்.

கடந்த ஆண்டு உலகக் கிண்ணத்தை இந்திய அணி வெற்றி கொள்வற்கு முக்கிய காரணியாக அமைந்த யுவ்ராஜ் சிங், அத்தொடரின் நாயகன் விருதையும் பெற்றிருந்தார் என்பது குறிப்பிடத்தக்கது.